السلام عليكم ورحمةكتاب جلين دوماين له وبركاته
هنبدأ كلامنا ب
بسم الله الرحمن الرحيم
هنتكلم عن طريقة جلين دوماين فى التعلم بصفة عامة فكﻻمنا مش هيكون عن القراءة فقط
تدوينة اليوم هتكون شرح للفكرة العامة و هننزل تباعاً شرح للفكرة تفصيلاً و فيديوهات للتطبيق بسهولة بدون تكلفة الطباعة
لكن ﻻستخدام هذه الفيديوهات مطلوب من كل ام انها تكون حضنة طفلها و قعدين سوا يشوفوا الفيديو و تسمع نطق الكلمة و تكرر وراه بصوتها و ده لالغاء فكرة ان الطفل يكون متلقى سلبى و لتدعيم مبدأ جلين دوماين ان ﻻزم الجلسة يتخللها جو من اللعب و المرح
و المعترض على فكرة شاشات التلفزيون بصفة عامة فالجلسة الواحدة لن تتعدى ال 30 ثانية و هيتم العرض ثلاث مرات يومياً يعنى دقيقة و نص و حتى لو عرضنا اكثر من مجموعة فلن تتعدى العشر دقائق و المتوفر بالنسباله انه يطبع هيكون افضل فهذه وجهة نظرى المتواضعة و تحتمل الصواب و الخطأ
نرجع لموضوعنا الاساسى اساسيات الطريقة
اوﻻ : الصبر و ﻻ اختبارات و عدم انتظار نتيجة سريعة
فمش معنى اننا عرضنا على الطفل الكلمات يبقى بعد الخمس ايام هنسأله عليها ده بيقتل روح المرح و الطفل لا يحب الاختبارات و مش هيتجاوب اصلا لو سنه صغير
ثانياً : الجلسة تكون فى وقت مزاجك رايق و مبسوطة فيه و طفلك أيضاً و لو متضايقة يبقى نأجل الجلسة او نلغيها خالص افضل
فالاساس فى الطريقة ديه هو تدعيم المحبة و متعة التعلم لدى الطفل
ثالثاً : دايما نعرض اقل من اللى الطفل حابب يشوفه
عشان دايماً يبقى عنده شغف و فضول انه يشوف المزيد
انتى و شطارتك انك تخلى الجلسة ممتعة بالنسبة للطفل بصوتك الجميل المرح لنطق الكلمة المحبة اللى الطفل بيحصل عليها منك اثناء الجلسة
رابعاً : السرعة فى العرض مهمة عشان الطفل مايفقدش اهتمامه بالموضوع و يمل
خامساً : يجب تجهيز المادة اللى هيتم عرضها على الطفل قبل بداية الجلسة
و احنا ان شاء الله هنجهز المادة اللى هنشتغل عليها سوا و هتكون متجددة باستمرار لكن اهم حاجة الالتزام بالنقاط المذكورة سابقاً
هذه اساسيات يجب ان نعرفها قبل ان نبدأ وستتوالى المدونات تباعاً لشرح الطريقة تفصيليا لكل بند قراءة و حساب و معارف عامة
و للمعرفة العامة لكى نستطيع ان نبدأ سوياً فالمجموعة تتكون من خمس كلمات اكثر او اقل حسب استجابة الطفل و المجموعة الواحدة يتم عرضها ثلاث مرات يومياً لمدة خمس ايام و يتم الغاء كلمة و احﻻل محلها كلمة اخرى و يفضل تغيير ترتيب الكلمات مع كل مرة عرض
ملخص للاساسيات التدريس من كتاب جلين دوماين
1- كلما كان الطفل اصغر كان افضل للبدأ
2- كن مبتهج طول الوقت
3- احترم و ثق بالطفل
4- علم فقط عندما تكون انت و طفلك سعداء
5- هئ بيئة تعليمية جيدة
6- توقف قبل ان يرغب الطفل في التوقف
7- اعرض مواد جديدة باستمرار
8- كن منظم
9- ﻻ تختبر طفلك
10- جهز ادواتك بعناية و كن متقدم
11- تذكر هذه القاعدة : لو لم تكنتحظى بوقت رائع انت و طفلك فيجب ان تتوقف فانت تفعل شئ خطأ
انا طولت فى هذه التدوينة و بعيد فى الكﻻم لتثبيت مفاهيم معينة قبل ان نبدأ و اهم شئ ان نستعين بالله
يلا بقى عايزين نشوف مين من الامهات هيبدأ معانا و اعمار اطفالهم ايه عشان نتابع معاهم
و للعلم ما ذكر فى هذه التدوينة و التدوينات القادمة باذن الله فهو مترجم من كتاب
How to mmultiply your baby's intelligence
تحديث : ده مقطع من كتاب جلين دوماين اللى صورته فى اول التدوينة بيقول فيه اننا ممكن نبدأ من اول ما الطفل يتولد
